“QS Reimagine Education Awards & Conference”da iştirak
Elm və Ali Təhsil üzrə Dövlət Agentliyinin və Azərbaycanın aparıcı ali təhsil müəssisələrinin nümayəndələri dünyanın ən nüfuzlu təhsil innovasiyaları platformalarından biri olan “QS Reimagine Education Awards & Conference 2025”də iştirak edirlər.
Bu il Azərbaycanı tədbirdə Bakı Dövlət Universiteti, Azərbaycan Texniki Universiteti və Azərbaycan Dövlət Neft və Sənaye Universiteti təmsil edir. Hər üç ali təhsil müəssisəsinin təqdim etdiyi innovativ startap layihələri konfrans çərçivəsində təqdimat formasında nümayiş etdiriləcək.
Azərbaycan universitetlərinin təqdim etdiyi layihələr (hər universitet üzrə 1 layihə olmaqla) 2000-dən çox müraciət arasında ən yaxşı 20 faiz içərisində yer alıb.
Qeyd edək ki, “QS Reimagine Education Awards & Conference 2025” bu gündən etibarən öz işinə başlayıb.