“LinkedIn” platformasının nümayəndəsi ilə görüş keçirilib
22 iyul 2025-ci il tarixində Şuşa Qlobal Media Forumunda iştirak məqsədilə ölkəmizdə səfərdə olan “LinkedIn” platformasının Avropa, Yaxın Şərq, Afrika və Latın Amerikası regionları üzrə ictimai sektor, səhiyyə və qeyri-kommersiya satışları üzrə rəhbəri Seamus Clancy ilə Elm və Ali Təhsil üzrə Dövlət Agentliyində görüş keçirilib.
Görüş zamanı ali təhsil, tədqiqat və texnologiya sahələrində birgə təşəbbüslərin reallaşdırılması, “LinkedIn Learning” və “LinkedIn Talent Insights” kimi alətlərin təqdim etdiyi imkanlardan istifadə edərək əmək bazarının tələblərinə uyğun bilik və bacarıqlara malik kadrların hazırlanması məsələləri müzakirə olunub.
Bununla yanaşı, məzunlar və işəgötürənlər üzrə verilənlərə əsaslanan təhlillərin aparılması, habelə Azərbaycandakı ali təhsil müəssisələrinin beynəlxalq rəqabət qabiliyyətinin artırılması istiqamətində əməkdaşlıq imkanlarına dair fikir mübadiləsi aparılıb.