9 nəfər Azərbaycan vətəndaşı Qazaxıstanda təhsil alacaq
Azərbaycan Respublikası ilə Qazaxıstan Respublikası arasında həyata keçirilən Hökumətlərarası Təqaüd Proqramı (HTP) çərçivəsində 9 nəfər Azərbaycan vətəndaşı 2026–2027-ci tədris ili üzrə Qazaxıstanın ali təhsil müəssisələrində təhsil almaq hüququ qazanıb.
Qazaxıstan tərəfinin yekun seçim qərarına əsasən, Azərbaycan vətəndaşlarından 4 nəfər "Al-Farabi Kazakh National University", 2 nəfər "Almaty Management University", 1 nəfər "L.N. Gumilyov Eurasian National University", 1 nəfər "Maqsut Narikbayev University", 1 nəfər isə "Caspian State University of Technology and Engineering named after Sh. Yessenov" universitetində təhsil alacaq.
Təhsil almaq hüququ qazanan şəxslərdən 3 nəfər bakalavriat, 1 nəfər magistratura, 5 nəfər isə doktorantura səviyyəsi üzrə seçilib.
Təhsil proqramları iqtisadiyyat və idarəetmə, humanitar və sosial elmlər, eləcə də yer elmləri ixtisas istiqamətlərini əhatə edir.
Təqaüd proqramı “Azərbaycan Respublikasının Elm və Təhsil Nazirliyi ilə Qazaxıstan Respublikasının Elm və Ali Təhsil Nazirliyi arasında elm və ali təhsil sahəsində əməkdaşlıq haqqında Saziş”ə əsasən həyata keçirilir.