Times Higher Education (THE) World University Rankings 2026
Azərbaycan ali təhsil müəssisələri 2026-cı ildə “Times Higher Education (THE)” Beynəlxalq Reytinq Agentliyi tərəfindən elan olunan reytinq cədvəllərində aktiv şəkildə təmsil olunur.
Reytinqlər ali təhsil müəssisələrinin bir neçə istiqamət (tədrisin keyfiyyəti, elmi-tədqiqat fəaliyyəti, beynəlxalq əməkdaşlıq və s.) üzrə fəaliyyətinə əsaslanaraq onların sıralamasını müəyyən edən sistemdir. Reytinqlər ali təhsil müəssisəsinin beynəlxalq məkanda nüfuzunun artırılmasına, o cümlədən tələbələr, müəllimlər və tədqiqatçılar üçün ali təhsil müəssisələri arasında seçim etməyə dəstək göstərir. Hazırda Azərbaycan ali təhsil müəssisələri “Times Higher Education (THE) World University Rankings” və "Quacquarelli Symonds" (QS) və digər reytinq cədvəllərində təmsil olunur. “Azərbaycan Respublikasının 2022–2026-cı illərdə sosial-iqtisadi inkişaf Strategiyası”na əsasən 2026-cı ilə qədər Azərbaycanın ən azı 3 ali təhsil müəssisəsinin dünyanın ən yaxşı ali təhsil müəssisələrinin top-800-də yer alan universitetlərin reytinq siyahısına düşməsi hədəf kimi müəyyənləşdirilib. Azərbaycan ali təhsil müəssisələri son illərdə “Times Higher Education (THE)” Beynəlxalq Reytinq Agentliyi tərəfindən elan olunan reytinq cədvəllərində aktiv şəkildə təmsil olunur. Hazırda Azərbaycan ali təhsil müəssisələrinin “Times Higher Education (THE)” beynəlxalq reytinq cədvəllərində təmsil olunma göstəricisi aşağıdakı kimidir:
“THE” reytinqlərində Azərbaycan üzrə ən son nəticələr
“Times Higher Education” qlobal reytinq agentliyi tərəfindən ən son dərc olunan reytinq siyahılarında Azərbaycan universitetlərinin nəticələri aşağıdakı kimidir:
THE 2025 fənlərarası elm reytinqi – THE Interdisciplinary Science Ranking 2025
Universitetlərin fənlərarası elmə töhfəsini ölçən bu reytinqdə Azərbaycanın 3 ali təhsil müəssisəsi təmsil olunur:
Bakı Dövlət Universiteti (201-250);
Azərbaycan Dövlət Neft və Sənaye Universiteti (201-250);
Azərbaycan Texniki Universiteti (401-500).
THE 2025 fənn sahələri üzrə reytinq – THE Subject Rankings 2025
Azərbaycan ali təhsil müəssisələri 2 fənn sahəsi üzrə təmsil olunur:
Bakı Dövlət Universiteti
Fizika elmləri (1001+);
Mühəndislik (1001-1250).
Azərbaycan Dövlət Neft və Sənaye Universiteti
Mühəndislik (1251+).
THE 2025 impact reytinqi – THE Impact Rankings 2025
İlk dəfə 28 ali təhsil müəssisəsi təmsil olunur (Sözügedən reytinqdə təmsil olunan Azərbaycan universitetlərinin sayı 18-dən 28-ə yüksəlib, beləliklə ötən ilə nisbətən müvafiq göstərici 1.5 dəfə artıb).