Quacquarelli Symonds (QS) Rankings 2026

Reytinqlər ali təhsil müəssisələrinin bir neçə istiqamət (tədrisin keyfiyyəti, elmi-tədqiqat fəaliyyəti, beynəlxalq əməkdaşlıq və s.) üzrə fəaliyyətinə əsaslanaraq onların sıralamasını müəyyən edən sistemdir. Reytinqlər ali təhsil müəssisəsinin beynəlxalq məkanda nüfuzunun artırılmasına, o cümlədən tələbələr, müəllimlər və tədqiqatçılar üçün ali təhsil müəssisələri arasında seçim etməyə dəstək göstərir. Hazırda Azərbaycan ali təhsil müəssisələri “Times Higher Education (THE) World University Rankings” və "Quacquarelli Symonds" (QS) və digər reytinq cədvəllərində təmsil olunur. “Azərbaycan Respublikasının 2022–2026-cı illərdə sosial-iqtisadi inkişaf Strategiyası”na əsasən 2026-cı ilə qədər Azərbaycanın ən azı 3 ali təhsil müəssisəsinin dünyanın ən yaxşı ali təhsil müəssisələrinin top-800-də yer alan universitetlərin reytinq siyahısına düşməsi hədəf kimi müəyyənləşdirilib. Azərbaycan ali təhsil müəssisələri son illərdə “Quacquarelli Symonds (QS)”, “Times Higher Education (THE)” Beynəlxalq Reytinq Agentlikləri tərəfindən elan olunan reytinq cədvəllərində aktiv şəkildə təmsil olunur. Hazırda Azərbaycan ali təhsil müəssisələrinin beynəlxalq reytinqlərdə təmsil olunma göstəricisi aşağıdakı kimidir:

“QS” reytinqlərində Azərbaycan üzrə ən son nəticələr

“Quacquarelli Symonds” qlobal reytinq agentliyi tərəfindən ən son dərc olunan reytinq siyahılarında Azərbaycan universitetlərinin nəticələri aşağıdakı kimidir:

QS 2026 Dünyanın ən yaxşı universittelərinin reytinqi – QS World University Rankings 2026

İlk dəfə 9 ali təhsil müəssisəsi təmsil olunur (3 ali təhsil müəssisəsinin mövqeyi ötən ilə nisbətən əhəmiyyətli dərəcədə irəliləyib, 6 ali təhsil müəssisəsi ilk dəfə daxil olub):

• Bakı Dövlət Universiteti (688);

• Azərbaycan Dövlət İqtisad Universiteti (801-850);

• Azərbaycan Dövlət Neft və Sənaye Universiteti (851-900);

• Texniki Universiteti (851-900);

• Mühəndislik Universiteti (901-950);

• Xəzər Universiteti (951-1000);

• Azərbaycan Memarlıq və İnşaat Universiteti (1001-1200);

• Sumqayıt Dövlət Universiteti (1001-1200);

• ADA Universiteti (1201-1400).

  ---

  ---

  ---

  ---

QS 2025 fənn sahələri üzrə reytinq – QS Subject Rankings 2025

Azərbaycan ali təhsil müəssisələri 5 fənn sahəsi üzrə təmsil olunur:

Bakı Dövlət Universiteti

• “Neft-qaz mühəndisliyi” (151-175);

• “Riyaziyyat” (501-600).

Azərbaycan Dövlət İqtisad Universiteti

• “İqtisadiyyat və ekonometrika” (351-400);

• "Sosial elmlər və idarəetmə” (401-450).

Azərbaycan Dillər Universiteti

• “Müasir dillər” (201-250).