Agentliyin direktoru THE təşkilatının rəhbər heyəti ilə görüşüb
Dekabrın 3-də Birləşmiş Krallığın London şəhərinə səfəri çərçivəsində Elm və Ali Təhsil üzrə Dövlət Agentliyinin direktoru Ülkər Səttarova Times Higher Education (THE) qlobal reytinq təşkilatının baş ofisində baş icraçı direktor Con Gill və Data və analitika üzrə direktor Elizabet Şeferd ilə görüşüb.
Görüş zamanı Azərbaycan universitetlərinin THE qlobal reytinqində mövcud göstəriciləri və onların gələcək inkişaf imkanları müzakirə olunub.
Bununla yanaşı, tərəflər arasında gələcək əməkdaşlıq imkanları üzrə fikir mübadiləsi aparılıb.