ADNSU nümayəndə heyəti ilə görüş keçirilib
Elm və Ali Təhsil üzrə Dövlət Agentliyində Azərbaycan Dövlət Neft və Sənaye Universitetinin (ADNSU) rektoru Rüfət Əzizovun rəhbərlik etdiyi nümayəndə heyəti ilə görüş keçirilib
Görüşdə elmi-tədqiqat fəaliyyətinin keyfiyyət göstəricilərinin yaxşılaşdırılması, qabaqcıl elmmetrik alətlərdən istifadənin genişləndirilməsi, beynəlmiləlləşmə göstəricilərinin gücləndirilməsi və digər prioritet istiqamətlər müzakirə olunub.
Elm və Ali Təhsil üzrə Dövlət Agentliyin direktoru Ülkər Səttarova ali təhsil müəssisələrinin beynəlxalq rəqabət qabiliyyətinin artırılmasının xüsusi əhəmiyyətini vurğulayıb. Rektor Rüfət Əzizov isə universitetin qarşıdakı hədəflərinin icrası istiqamətində həyata keçirilən çoxşaxəli fəaliyyətlər barədə məlumat verib.
Görüşdə, həmçinin, xarici tələbələrin sayının artırılması, beynəlxalq təhsil qrantları və hökumətlərarası təqaüd proqramları çərçivəsində təhsil alan tələbələrin təhsilinin təşkili, eləcə də nüfuzlu beynəlxalq akademik tədbirlərdə iştirak məsələləri müzakirə edilib.