Doktorantura

Doktoranturada təhsil fəlsəfə doktoru və elmlər doktoru proqramları üzrə əyani və qiyabi təhsilalma formaları üzrə həyata keçirilir.

Doktoranturaya qəbul olmaq istəyənlər xarici dildən, fəlsəfədən və ixtisas fənnindən  qəbul imtahanları verirlər.

Xarici dil üzrə imtahan Dövlət İmtahan Mərkəzi tərəfindən keçirilir.

Qeyd: Qüvvədə olan beynəlxalq dil sertifikatına (IELTS, TOEFL, Cambridge English Qualifications, TestDaF, DELF, DALF, STANAG) malik olanlar xarici dil üzrə qəbul imtahanından azad olunurlar.

Fəlsəfə fənni üzrə imtahan doktoranturaya qəbulu aparan ali təhsil müəssisəsi, elmi müəssisə və təşkilatlarda həyata keçirilir.

İxtisas fənnindən qəbul imtahanını doktoranturanın fəaliyyət göstərdiyi ali təhsil müəssisəsinin, elmi müəssisə və təşkilatın rəhbəri tərəfindən yaradılan komissiya həyata keçirir.