“ANKOSLink 2025” beynəlxalq konfransı keçirilib.
4-6 noyabr tarixlərində Türkiyə Respublikasının Prezident Xalq Kitabxanasının ev sahibliyi ilə təşkil edilən “ANKOSLink 2025” beynəlxalq konfransı keçirilib. 3 gün davam edən tədbirdə 250 qurumdan 700-dən artıq iştirakçı və 80 şirkət təmsil olunub.
Konfransda insan mərkəzli rəqəmsal transformasiya, süni intellekt və etika, süni intellekt və tədqiqat alətləri, akademik nəşriyyatda süni intellektin istifadəsi, akademik nəşriyyatda transformasiya, transformativ müqavilələr, informasiya əldə etməkdə bərabərlik və informasiyanın paylanma modelləri kimi mövzular panel sessiyalarda və iştirakçı firmaların təqdimatlarında əhatə olunub.
Beynəlxalq tədbirdə Elm və Ali Təhsil üzrə Dövlət Agentliyinin Elmi müəssisələrlə iş şöbəsinin müdiri İltifat İbrahimov iştirak edib. O, konfrans çərçivəsində iştirakçı müəssisələr və şirkətlərlə görüşlər keçirib, yeniliklərlə bağlı fikir mübadiləsi aparıb.