Dekabrın 3-də “Akademik tədqiqatların süni intellektlə transformasiyası” mövzusunda vebinar keçiriləcək. Vebinarda akademik araşdırma və elmi məqalə hazırlığı proseslərinin süni intellekt əsaslı alətlər vasitəsilə yenidən formalaşdırılması müzakirə olunacaq.
“Wellcome Career Development Awards” beynəlxalq elmi mühitdə müstəqil tədqiqat istiqamətinə malik, karyerasının başlanğıc və inkişaf mərhələsində olan alimlər üçün geniş imkanlar təqdim edir. Proqramın məqsədi müxtəlif sahələr üzrə yüksək potensiala malik tədqiqatçıların elmi fəaliyyətini dəstəkləmək və onların qlobal elmi əməkdaşlıqlara inteqrasiyasına şərait yaratmaqdır.
2026-2027-ci tədris ili üçün Hökumətlərarası Təqaüd Proqramı (HTP) çərçivəsində Çində təhsillə bağlı sənəd qəbulu başlayıb. Proqram hər iki ölkənin vətəndaşlarına tələbə mübadiləsi əsasında qarşı ölkənin ali məktəblərində arzu etdikləri ixtisas üzrə təhsil almaq imkanı yaradır.
2026-2027-ci tədris ili üçün Hökumətlərarası Təqaüd Proqramı (HTP) çərçivəsində Macarıstanda təhsillə bağlı sənəd qəbulu başlayıb.
Koreya Respublikasının Beynəlxalq İqtisadi Siyasət İnstitutu (KIEP) Qonaq alimlər proqramında iştirak imkanı təqdim edir. KIEP ticarət və kommersiya, beynəlxalq maliyyə əməkdaşlığı, beynəlxalq sərmayə, regionşünaslıq kimi beynəlxalq iqtisadi siyasət sahələri üzrə tədqiqatların təşviq edilməsi üçün müraciətləri açıq elan edib.
Elm və Ali Təhsil üzrə Dövlət Agentliyinin və Elsevier şirkətinin birgə təşəbbüsü ilə oktyabrın 28-i və 30-da tədqiqatçılar, kitabxanaçılar və tələbələr üçün “Scopus və Scopus AI ilə tanışlıq” mövzusunda onlayn təlim təşkil ediləcək.
Məlumat üçün bildiririk ki, Hökumətlərarası Təqaüd Proqramları (HTP) çərçivəsində növbəti tədris ilində Çin Xalq Respublikasında (ÇXR) təhsil almaq üçün müraciət edən namizədlərdən tələb olunan əsas sənədlərdən biri namizədin prioritetlik nəzərə alınmaqla seçdiyi üç universitet üzrə əldə etməli olduğu ön qəbul sənədidir (pre-admission notice, proof of admission from tutor).
Azərbaycanın dünya miqyaslı kimyaçı alimi, akademik, pedaqoq, maarifçi və ictimai xadim Yusuf Məmmədəliyevin anadan olmasının 120 illiyi münasibətilə Azərbaycan Respublikası Prezidentinin Sərəncamına əsasən 3-4 dekabr 2025-ci il tarixlərində Bakı Konqres Mərkəzində “Akademik Yusuf Məmmədəliyev: Elm, İrs və İnnovasiyalar Konfransı” keçiriləcək.
