Agentliyin direktoru Şamaxıda vətəndaş qəbulu keçirib
Aprelin 16-da Elm və Ali Təhsil üzrə Dövlət Agentliyinin direktoru Ülkər Səttarova Şamaxı şəhərində vətəndaş qəbulu keçirib.
Qəbulda Şamaxı, Qobustan, Ağsu, İsmayıllı və Qəbələ rayonlarından olan vətəndaşlar iştirak ediblər.
Vətəndaşların müraciətləri əsasən işə qəbul, işə bərpa, təhsil sənədləri və digər məsələlərlə bağlı olub.
Qəbul zamanı vətəndaşların müraciətləri diqqətlə dinlənilib, qaldırılan məsələlərə qüvvədə olan qanunvericiliyin tələblərinə uyğun olaraq müvafiq izahatlar verilib. Həlli yerində mümkün olan müraciətlər operativ şəkildə cavablandırılıb, əlavə araşdırma tələb edən məsələlərlə bağlı isə aidiyyəti üzrə müvafiq tapşırıqlar verilib.